1. Жамият Устав фонди номинал қиймати 5 000 (беш минг) сўм бўлган 2 112 219 (Икки миллион бир юз ўн икки минг икки юз ўн туккиз) дона умумий ҳажми 10 561 095 000 (Ўн миллиард беш юз олтмиш бир миллион тўқсон беш минг) сўм миқдордаги эгасининг номи ёзилган оддий, ҳужжатсиз шаклдаги акциялар чиқарилсин ва ёпиқ обуна орқали Жамият ягона акциядори “Ўзсувтаъминот” АЖга жойлаштирилсин.
2. Чиқарилган акцияларни жойлаштириш тартиби ва муомалага киритиш шартлари қўйидагича тасдиқлансин:
• Акциялар тури – эгасининг номи ёзилган оддий ҳужжатсиз шаклдаги акциялар;
• Акция сони – 2 112 219 (Икки миллион бир юз ўн икки минг икки юз ўн туккиз) дона;
• Номинал қиймати – 5 000 (беш минг) сўм;
• Умумий ҳажми (номинал қиймати бўйича) – 10 561 095 000 (Ўн миллиард беш юз олтмиш бир миллион тўқсон беш минг) сўм;
• Акцияларни жойлаштириш усули – Ушбу чиқарилишдаги акциялар жамиятнинг ягона акциядори “Ўзсувтаъминот” АЖга ёпиқ обуна орқали жойлаштирилади;
• Акцияларни жойлаштиришнинг муддати – Акцияларни жойлаштириш акциялар чиқарилиши давлат рўйхатидан ўтказилган кундан бошлаб 15 (ўн беш) календарь кундан кечиктирмасдан амалга оширилади;
• Акцияларни жойлаштиришни бошлаш санаси – Акцияларни жойлаштириш акциялар чиқарилуви давлат рўйхатидан ўтказилган кундан бошланади;
• Акцияларни жойлаштиришни тугатиш санаси – Мазкур чиқарилишнинг сўнгги акцияси жойлаштирилган кун. Бироқ акцияларни жойлаштиришни тугатиш санаси, мазкур чиқарилиш давлат рўйхатига олинган кундан бошлаб 15 (ўн беш) календарь кундан ошмаслиги лозим;
• Акцияларни жойлаштиришнинг тартиби – Чиқарилаётган акциялар Жамият томонидан мустақил равишда, қимматли қоғозлар бозори профессионал иштирокчиларини жалб этмаган ҳолда, биржадан ташқари қимматли қоғозлар бозорида ёпиқ обуна орқали, Жамиятнинг ягона акциядори “Ўзсувтаъминот” АЖга, ҳеч қандай шартнома тузмаган холда тўғридан-тўғри жойлаштирилади;
• Акцияларни олишга бўлган имтиёзли ҳуқуқни амалга ошириш тартиби – Мазкур эмиссия доирасида чиқарилаётган акциялар Жамиятнинг ягона акциядори “Ўзсувтаъминот” АЖга жойлаштирилиши сабабли, ушбу чиқарилишдаги акцияларни олинишига нисбатан имтиёзли ҳуқуқ қўлланиши кўзда тутилмаган;
• Акцияларни жойлаштириш баҳоси – Ушбу чиқарилишдаги акциялар номинал қийматда 5 000 (беш минг) сўм қийматда жойлаштирилади;
• Акцияларни тўлаш шартлари ва тартиби – Эмитент, “Сирдарё сув таъминоти” МЧЖни акциядорлик жамияти шаклида қайта ташкил этиш натижасида ва эмитентнинг устав фонди “Сирдарё сув таъминоти” МЧЖ устав фонди миқдорида белгиланганлиги сабабли, акциялар чиқарилиши пайтига эмитентнинг устав фонди тўлиқ шаклланган хисобланади. Эмитент ягона акциядори, акцияларни чиқариш тўғрисида қарор қабул қилиш пайтига, топшириш далолатномаси билан ўз хиссаси тўлиқ миқдорини жамият устав фондига киритган, шу муносабат билан ушбу эмиссия доирасида чиқарилган акциялар номинал қиймати бўйича тўлиқ тўланган хисобланади;
• Акциялар чиқарилиши амалга ошмаган деб топилган тақдирда эмитент томонидан акциялар тўлови сифатида олинган воситаларни қайтариш тартиби – Ушбу акциялар чиқарилиши амалга ошмаган деб топилган тақдирда Эмитент томонидан ушбу ҳолат тўғрисида ўрнатилган тартибда расмий маълумот (Қимматли қоғозлар чиқарилишини амалга ошмаган деб топиш хақидаги муҳим факт – 28) “Sirdaryo suv ta’minoti” АJ расмий веб-сайтида (www.sirdaryo.uzsuv.uz) ва Корпоратив ахборот ягона порталида (www.openinfo.uz) ошкор этилади.
Акциялар чиқарилуви амалга ошмаган деб топилган санадан сўнг 5 (беш) иш куни давомида акциялар учун тўланган маблағлар қонунчиликда ўрнатилган тартибда жамиятнинг ягона акциядорига қайтарилади;
3. Жамиятнинг акциялар чиқарилиши тўғрисидаги қарор иловага мувофиқ тасдиқлансин.