2.1. Жамиятнинг умумий қиймати 4 000 000 000,00 (тўрт миллиард) сўмлик эгасининг номи ёзилган 4 000 000 (тўрт миллион) дона номинал қиймати 1 000 (бир минг) сўмлик ҳужжатсиз шаклдаги оддий акциялари муомалага чиқарилсин.
2.2. Акцияларни жойлаштириш тартиби ва муомалага киритиш шартлари қўйидагича тасдиқлансин:
- ушбу чиқарилишдаги эгасининг номи ёзилган акциялар тури (оддий ёки имтиёзли) – оддий акциялар.
- ушбу акциялар чиқарилишининг шакли – ҳужжатсиз.
- ушбу чиқарилишдаги акцияларнинг номинал қиймати – 1 000,00 (бир минг) сўм.
- ушбу чиқарилишдаги акцияларнинг сони – 4 000 000 (тўрт миллион) дона.
- ушбу чиқарилишнинг умумий ҳажми – 4 000 000 000,00 (тўрт миллиард) сўм.
- ушбу чиқарилишдаги акциялар жойлаштирилишининг усули – ушбу чиқарилишдаги акциялар Эмитентнинг барча акциядорларига қонунчиликда ўрнатилган тартибда акцияларни имтиёзли олиш ҳуқуқини тақдим этган ҳолда ёпиқ обуна орқали қимматли қоғозларнинг биржадан ташқари ташкил этилмаган (уюшмаган) бозорида жойлаштирилади.
Эмитент акциядорлари томонидан акцияларни имтиёзли сотиб олиш муддати тугаганидан сўнг, қолган акциялар Эмитентнинг қуйидаги акциядорига ёпиқ обуна усулида жойлаштирилади:
Улуғбеков Бекзод Хасанбек ўғли (Ulug’bekov Bekzod Xasanbek o’g’li) - 4 000 000 дона эгасининг номи ёзилган ҳужжатсиз шаклдаги оддий акциялар.
- ушбу чиқарилишдаги акциялар жойлаштирилишининг муддати – чиқарилаётган акциялар қимматли қоғозлар бозорини тартибга солиш бўйича ваколатли давлат органи томонидан давлат рўйхатига олинган кундан бошлаб 100 кундан кечиктирмасдан жойлаштирилади.
- акцияларни жойлаштиришни бошлаш санаси – акциялар чиқарилиши давлат рўйхатидан ўтказилганидан кейин акцияларни имтиёзли сотиб олиш ҳуқуқнинг мавжудлиги тўғрисидаги билдиришнома қонун хужжатларида ўрнатилган тартиб ва муддатларда оммавий ахборот воситаларида эълон қилинган кундан эътиборан 11 (ўн биринчи) кун. Бироқ имтиёзли сотиб олиш ҳуқуқининг амал қилиш муддати давомида эмитентнинг барча акциядорларидан имтиёзли ҳуқуқдан фойдаланиш тўғрисида ёки ундан фойдаланишдан воз кечиш ҳақида ёзма равишда аризалар олинган бўлса, ушбу аризаларнинг охиргиси эмитентга келиб тушган кундан кейинги иш куни акцияларни жойлаштиришнинг бошлаш санаси ҳисобланади.
- акцияларни жойлаштиришни тугатиш санаси – мазкур чиқарилишнинг сўнгги акцияси жойлаштирилган кун. Бироқ акцияларни жойлаштиришни тугатиш санаси, мазкур чиқарилишдаги акциялар давлат рўйхатига олинган санадан бошлаб 100 кундан ошмаслиги лозим.
- ушбу чиқарилишдаги акциялар жойлаштирилишининг тартиби – мазкур чиқарилишдаги Эмитентнинг акциялари қимматли қоғозларнинг биржадан ташқари ташкил этилмаган (уюшмаган) бозорида акциядорлар билан бевосита фуқаролик-ҳуқуқий битимлар тузиш йўли билан ёпиқ обуна орқали жойлаштирилади, бунда битимлар ҳизмат кўрсатувчи инвестиция воситачиси томонидан рўйхатга олинади.
Акцияларни жойлаштириш Эмитент томонидан мустақил равишда қонунчиликда белгиланган тартибда амалга оширилади.
Акциялар жойлаштирилиши жараёнида андеррайтерлар жалб қилиниши кўзда тутилмаган.
- ушбу чиқарилишдаги жойлаштирилаётган акцияларни олишга бўлган имтиёзли ҳуқуқни амалга ошириш тартиби - Эмитент акцияларини имтиёзли сотиб олиш ҳуқуқига эга шахсларнинг рўйхати 2025 йил 18 июнь ҳолатига шакллантирилган эмитент акциядорлари реестрининг маълумотлари асосида тузилади.
Эмитент акцияларнинг мазкур чиқарилиши давлат рўйхатидан ўтказилган санадан эътиборан ўн кун ичида, оммавий ахборот воситаларида эълон қилиш орқали, ўзининг имтиёзли ҳуқуққа эга бўлган акциядорларига акцияларни мазкур акциядорларда мавжуд бўлган акциялар сонига мутаносиб равишда тенг шартларда олишни таклиф этади.
Эмитент акциядорларида имтиёзли ҳуқуқ мавжудлиги тўғрисидаги билдириш матнида жойлаштирилаётган акцияларнинг сони, уларни жойлаштириш нархи, ҳар бир акциядор олишга ҳақли бўлган акцияларнинг сонини аниқлаш тартиби, акциядорларнинг бу ҳуқуқи амал қиладиган муддат ва уни амалга ошириш тартиби тўғрисидаги маълумотлар бўлиши лозим.
Имтиёзли сотиб олиш ҳуқуқининг амал қилиш муддати билдириш эълон қилинган пайтдан эътиборан 10 (ўн) кун давомида амал қилади.
Имтиёзли ҳуқуққа эга бўлган акциядорлар акцияларни олиши тўғрисида ўзининг исми – шарифи (номи) ва яшаш жойи (жойлашган ери), ўзи оладиган акцияларнинг сони кўрсатилган ёзма шаклдаги аризани ва ҳақ тўлаганлик тўғрисидаги ҳужжатни Эмитентга юбориш орқали ўз имтиёзли ҳуқуқини тўлиқ ёки қисман амалга оширишга ҳақлидирлар. Бундай ариза мазкур имтиёзли ҳуқуқнинг амал қилиш муддати ичида Эмитентга тақдим этилиши керак.
Эмитент имтиёзли ҳуқуқнинг амал қилиш муддати тугагунига қадар акцияларни олиш бўйича имтиёзли ҳуқуққа эга бўлмаган шахсларга жойлаштиришга ҳақли эмас.
Эмитент акциядорлари томонидан акцияларни имтиёзли сотиб олиш муддати тугаганидан сўнг, қолган акциялар Эмитентнинг қуйидаги акциядорига ёпиқ обуна усулида жойлаштирилади.
Улуғбеков Бекзод Хасанбек ўғли (Ulug’bekov Bekzod Xasanbek o’g’li) - 4 000 000 дона эгасининг номи ёзилган ҳужжатсиз шаклдаги оддий акциялар.
- ушбу чиқарилишдаги акциялар баҳоси (баҳолари) ёки жойлаштириш баҳосини белгилаш тартиби – ушбу чиқарилишдаги акциялар номинал қийматида, яъни 1 000,00 (бир минг) сўмдан жойлаштирилади.
- акцияларни тўлаш шартлари ва тартиби – мазкур чиқарилишдаги акциялар учун тўловлар Ўзбекистон Республикасининг миллий валютасида амалга оширилади.
Имтиёзли хуқуққа эга шахслар томонидан акциялар сотиб олинаётганда тўловлар қонунчиликда белгиланган тартибда хорижий валютада амалга оширилиши мумкин.
Имтиёзли хуқуқнинг амал қилиш муддатида акциялар учун тўловлар фақат пул маблағлари билан амалга оширилади. Тўловлар жисмоний шахслар томонидан нақд пул ва нақдсиз (пластик карталар), юридик шахслар томонидан пул ўтказиш йўли билан нақдсиз шаклда амалга оширилади.
Акцияларни жойлаштириш жараёнида акциялар учун тўловлар фақат пул маблағлари билан амалга оширилади. Тўловлар пул ўтказиш йўли билан нақдсиз шаклда Эмитентнинг қуйидаги ҳисобварағига амалга оширилади.
Валюта номи - Миллий валюта (UZS)
Ҳисобварақлар - 2020 8000 3055 8434 4005
Банк реквизитлари - Банк номи – «UNIVERSALBANK» АТБ Тошкент БХМ,
Банк коди – 00973, Банк СТИРи – 203 556 638,
Банк манзили – Тошкент шаҳри, Миробод тумани,
Амир Темур шоҳ кўчаси, 53
Эмитент акциядорлари сотиб олинган акциялар учун пул маблағларини Эмитент билан қимматли қоғозларнинг биржадан ташқари ташкил этилмаган (уюшмаган) бозорида тузилган фуқаролик – ҳуқуқий битимларда кўрсатилган муддатда, лекин акциялар давлат рўйхатига олинган кундан эътиборан 100 кундан кечиктирмасдан тўлиқ тўлашлари лозим.
- ушбу акциялар чиқарилиши амалга ошмаган деб топилган тақдирда эмитент томонидан акциялар тўлови сифатида олинган воситаларни қайтариш тартиби – акциялар чиқарилиши амалга ошмаган ёки ҳақиқий эмас деб тан олинган тақдирда, Эмитент томонидан ушбу ҳолат тўғрисида қонунчиликда ўрнатилган тартибда муҳим факт (Қимматли қоғозлар чиқарилишини амалга ошмаган деб топиш муҳим факти – 28) корпоратив ахборот ягона порталида (www.openinfo.uz) ва Эмитентнинг расмий вэб-сайтида (www.quickpay.uz) эълон қилинади.
Шунингдек, ушбу чиқарилишдаги акциялар тўловига йўналтирилган мол-мулк ушбу акциялар чиқарилиши амалга ошмаган ёки ҳақиқий эмас деб тан олинган кундан бошлаб 5 (беш) иш куни ичида Эмитент томонидан қонунчиликда белгиланган тартибда қайтариб берилади.