6. Решения, принятые высшим органом управления эмитента, в том числе решения наблюдательного совета хозяйственных обществ о выпуске акций, корпоративных облигаций и иных ценных бумаг

1. AT «Aloqabank» aksiyadorlarining yillik umumiy yig‘ilishi reglamenti tasdiqlansin.

1. AT «Aloqabank» Kuzatuv kengashining 2025-yil yakunlari bo‘yicha hisoboti tasdiqlansin va ish faoliyati natijalari ijobiy deb topilsin. 2. O‘zbekiston Respublikasi Prezidentining farmon va qarorlari, shuningdek, amaldagi qonunchilik hujjatlariga muvofiq, bankning moliyaviy barqarorligini mustahkamlash hamda mijozlarni qo‘llab-quvvatlash maqsadida Kuzatuv kengashi tomonidan amalga oshirilishi lozim bo‘lgan quyidagi ustuvor vazifalar tasdiqlansin: - Tadbirkorlikni qo‘llab-quvvatlash va yangi ish o‘rinlarini yaratishga qaratilgan imtiyozli resurslar hamda mexanizmlardan samarali foydalanish orqali aholi bandligini ta’minlash; - Yangi zamonaviy ishlab chiqarishni tashkil etish, korxonalarni modernizatsiya qilish, texnik va texnologik qayta jihozlash loyihalarini kreditlash hamda shu asosda eksportbop va import o‘rnini bosuvchi mahsulotlar ishlab chiqarishni kengaytirish; - «Oila-tadbirkorlik» dasturlari doirasida ajratilayotgan kreditlarning asosiy qismini yoshlar tadbirkorligini rivojlantirishga yo‘naltirish; - Bankni professional va yuqori malakali xodimlar bilan butlash, xizmat ko‘rsatish madaniyati va sifatini tubdan oshirish. 3. AT «Aloqabank»ning 2026-yilga mo‘ljallangan Biznes-rejasi ko‘rsatkichlari bajarilishini nazorat qilish va bank faoliyati natijalari bo‘yicha Boshqaruv hisobotlarini muntazam ko‘rib borish vazifasi Kuzatuv kengashi zimmasida qoldirilsin.

1. AT «Aloqabank» faoliyatining 2025-yil yakunlari bo‘yicha bank Boshqaruvi Raisining hisoboti tasdiqlansin va bank Boshqaruvining hisobot davridagi ish faoliyati natijalari ijobiy deb topilsin. 2. AT «Aloqabank» Boshqaruvi tomonidan 2026-yilda bajarilishi lozim bo‘lgan quyidagi ustuvor vazifalar tasdiqlansin: - O‘zbekiston Respublikasi Prezidenti va Vazirlar Mahkamasining bank-moliya tizimida amalga oshirilayotgan islohotlar hamda transformatsiya jarayonlari bo‘yicha bankka yuklatilgan vazifalari ijrosini o‘z vaqtida ва sifatli ta’minlash; - 2025–2027-yillarda «Yoshlar biznesi» dasturini samarali amalga oshirish ва dastur doirasida yoshlarni (18 yoshdan 30 yoshgacha bo‘lgan shaxslarni) qamrab olish, shu jumladan, kamida 100 mingta qo‘shimcha ish o‘rni yaratilishiga ko‘maklashish; - Zamonaviy tadbirkorlik ko‘nikmalarini shakllantirish maqsadida yoshlarning startap va investitsiya loyihalariga imtiyozli moliyaviy mablag‘lar ajratish; - Iqtisodiyot tarmoqlari va sohalaridagi, shu jumladan, raqamli texnologiyalar tatbiq etilgan innovatsion loyihalar hamda ijtimoiy tadbirkorlik yo‘nalishidagi loyihalarni qo‘llab-quvvatlash choralarini joriy etish; - Kichik biznes va tadbirkorlik subyektlariga kreditlar ajratishda loyihalarni birinchi navbatda real sektorga, yangi ish o‘rinlarini barpo etishga, eksportbop yoki import o‘rnini bosuvchi mahsulotlar ishlab chiqarishga, mahalliy xomashyoni qayta ishlashga hamda hududlarda xorijiy investitsiyalar ishtirokidagi loyihalarni amalga oshirishga yo‘naltirish; - Bank mijozlar bazasini oshirish sur’atini saqlab qolgan holda moliyaviy xizmatlar bozoridagi o‘rnini mustahkamlash, bank xizmat ko‘rsatish tarmog‘ini tijorat asosida, ayniqsa hududlarning turizm salohiyatini inobatga olgan holda kengaytirish va faoliyatini doimiy muvofiqlashtirib borish; - Aholining moliyaviy savodxonligini oshirish bo‘yicha chora-tadbirlarni faollashtirish, tadbirkorlik faoliyatiga ko‘maklashish va bank brendining aholi o‘rtasidagi nufuzini oshirish; - Aholining keng qatlami va tadbirkorlik subyektlariga mo‘ljallangan bank xizmatlari ko‘lamini oshirish, shu jumladan, kam xarajatli bank xizmatlari ва mahsulotlarini standartlashtirish orqali ommalashtirish; - Mijozlarga ko‘rsatiladigan bank xizmatlarini sifat jihatdan mutloq yangi pog‘onaga chiqarish, xizmatларни modernizatsiya qilish, bank faoliyatini avtomatlashtirish ҳамда raqamli ва onlayn bank xizmatlari ulushini oshirish; - AT «Aloqabank»ning 2026-yilga mo‘ljallangan biznes-rejasi parametrlari bajarilishini to‘liq ta’minlash; - Mustahkam resurs bazasini shakllantirish, aktivlar sifatini yaxshilash hamda kapitallashuv darajasini oshirish hisobiga bankning moliyaviy barqarorligi va likvidliligini mustahkamlash. 3. Bank Boshqaruvi zimmasiga bank faoliyati ва ustuvor vazifalar ijrosi yuzasidan har chorak yakuni bo‘yicha bank Kuzatuv kengashiga hisobot berib borish vazifasi yuklatilsin.

1. AT «Aloqabank»ning 2025-yil ish faoliyati yakunlari bo‘yicha MHXSga muvofiq tayyorlangan hisoboti hamda «Pricewaterhouse Coopers» tashqi auditorlik kompaniyasi tomonidan taqdim qilingan auditorlik hisoboti va xulosasi tasdiqlansin. 2. Bank Boshqaruviga «Pricewaterhouse Coopers» tashqi auditorlik kompaniyasi tomonidan berilgan taklif va tavsiyalar asosida belgilangan chora-tadbirlar dasturi ijrosini ta’minlash vazifasi yuklatilsin.

1. AT «Aloqabank»ning yillik hisoboti bo‘yicha buxgalteriya balansi, foyda va zararlar to‘g‘risidagi hisoboti tasdiqlansin.

1. AT «Aloqabank»ning 2025-yil yakunlari bo‘yicha milliy standartlartlarga ko‘ra 251 453 456 696,09 so‘m miqdoridagi bank sof foydasi quyidagi tartibda taqsimlansin: - 10 foizi, ya’ni 25 145 345 669,61 so‘m miqdori Innovatsion faoliyatni qo‘llab-quvvatlash jamg‘armasiga yo‘naltirilsin; - 5 foizi, ya’ni 12 572 672 834,80 so‘mi miqdori zaxira fondiga ajratilsin; - 0,59 foizi 1 476 000 000,00 so‘m, ya’ni har bir dona imtiyozli aksiyaga uning nominal qiymatining 40 (qirq) foizi yoki 40 (qirq) tiyin miqdorida dividend hisoblansin va to‘lansin; -dividend pul mablag‘lari bilan to‘lansin; -dividend qaror qabul qilingan kundan e’tiboran 60 kun ichida to‘lab berilsin; -dividend uchun to‘lovlar 2026-yilning 15-iyun kuni holatiga shakllantirilgan aksiyadorlar reyestri asosida 2026-yil 19-iyundan 2026-yil 17-avgustgacha amalga oshirilsin; -Bank Boshqaruvi zimmasiga dividend to‘lovlarni o‘z vaqtida va to‘liq amalga oshirish vazifasi yuklatilsin.

1. Bank audit qo‘mitasi tomonidan taqdim etilgan o‘rganish natijasiga ko‘ra, AT «Aloqabank»ning 2026-yil yarim yillik va yillik moliyaviy hisobotini auditdan o‘tkazib xulosa tayyorlash uchun auditorlik xizmatiga to‘lanadigan eng ko‘p haq miqdori 4 816,0 mln. so‘m (QQS bilan) miqdorida belgilansin. 2. Audit qo‘mitasi tomonidan ko‘rib chiqilib, Kuzatuv kengashi tomonidan kiritilgan aksiyadorlar yillik umumiy yig‘ilishi kun tartibiga muvofiq texnik topshiriq ma’lumot uchun qabul qilinsin. 3. Bank Boshqaruvi (K.Irisbekova) O‘zbekiston Respublikasining davlat xaridlari to‘g‘risidagi qonunchiligi hamda taqdim etilgan texnik topshiriqqa binoan xaridni amalga oshirsin. 4. Xarid natijalariga koʻra gʻolib deb topilgan auditorlik tashkilotini belgilash va u bilan shartnoma tuzish maqsadida, qonunchilikda belgilangan tartibda aksiyadorlarning navbatdan tashqari umumiy yigʻilishi oʻtkazilsin.

1. AT «Aloqabank» va 5-ilovada ko‘rsatib o‘tilgan shaxslar o‘rtasida tuzilishi mumkin bo‘lgan har qanday bitimlar, shu jumladan bank operatsiyalari, xususan kredit, lizing, bank kafolati, kafillik, depozit, svop va spot bitimlari, sug‘urta, pul mablag‘lari va to‘lovlarni o‘tkazish bilan bog‘liq operatsiyalar, garov va qonun hujjatlarida nazarda tutilgan boshqa operatsiyalar hamda ushbu tashkilotlar tomonidan ko‘rsatilayotgan xizmatlari yuzasidan tuziladigan bitimlar bo‘yicha har bir bitimning summasi bank sof aktivlarining 50 (ellik) foizigacha bo‘lgan hollarda bitimlarni tuzishga oldindan ruxsat berilsin. 2. AT «Aloqabank» Boshqaruvi va Kuzatuv kengashi qonun hujjatlarida belgilangan vakolatlar doirasida ushbu operatsiyalarning to‘g‘ri va qonuniy amalga oshirilishini ta’minlasin.

1. Aksiyadorlik tijorat «Aloqabank» Ustavining yangi tahriri 6-ilovaga muvofiq tasdiqlansin. 2. Bank Boshqaruvi zimmasiga Aksiyadorlik tijorat «Aloqabank» Ustavining yangi tahririni qonunchilikda o‘rnatilgan tartib va muddatlarda O‘zbekiston Respublikasi Markaziy bankida davlat ro‘yxatidan o‘tkazish choralarini ko‘rish vazifasi yuklatilsin.

1. «Silk Capital» MChJ tomonidan AT «Aloqabank»ning 2025-yil yakunlari bo‘yicha korporativ boshqaruv tizimini mustaqil baholash natijalari yuzasidan tayyorlangan hisoboti va xulosasi ma’lumot uchun qabul qilinsin hamda tasdiqlansin. 2. AT «Aloqabank»ning 2025-yil yakunlari bo‘yicha korporativ boshqaruv tizimi samaradorligini mustaqil baholash natijalari ijobiy deb hisoblansin hamda bank faoliyatining samaradorligi «yuqori» darajada deb e’tirof etilsin.