6. Решения, принятые высшим органом управления эмитента, в том числе решения наблюдательного совета хозяйственных обществ о выпуске акций, корпоративных облигаций и иных ценных бумаг

1.1. Sanoq komissiyasi tarkibi quyidagi tarkibda tasdiqlansin: Abdullayev A.U. (komissiya raisi), Ismatova N.I., Umarov N.E.

2.1. "ANOR BANK" AJ aksiyadorlarining Yillik umumiy yig‘ilishini o‘tkazish Reglamenti quyidagi tartibda tasdiqlansin: - asosiy masalalar bo‘yicha ma’ruzachilarning chiqishlari uchun - 10 daqiqagacha; - qo‘shimcha chiqishlar, replikalar va munozaralar uchun - 5 daqiqagacha; - ovozlarni sanab chiqish uchun tanaffus - 5 daqiqa.

3.1. "ANOR BANK" AJ Kuzatuv kengashi raisining 2025-yil yakunlari bo‘yicha hisoboti va 2025-yilda qabul qilingan qarorlari tasdiqlansin. 3.2. "ANOR BANK" AJ Kuzatuv kengashining 2025-yildagi faoliyati qoniqarli deb topilsin. 3.3. Kuzatuv kengashining 2025-yilda qabul qilingan qarorlari O‘zbekiston Respublikasi qonunchiligi, "ANOR BANK" AJning Ustavi va ichki hujjatlari talablariga muvofiq deb topilsin.

4.1. Bank Boshqaruvi raisining "ANOR BANK" AJning 2025-yildagi moliyaviy-xo‘jalik faoliyati yakunlari to‘g‘risidagi hisoboti ilovaga muvofiq tasdiqlansin. 4.2. "ANOR BANK" AJ Boshqaruvining 2025-yildagi faoliyati qoniqarli deb topilsin.

5.1. "Ernst & Young" MCHJ AJ auditorlik kompaniyasining "ANOR BANK" AJning 2025-yil yakunlari bo‘yicha moliyaviy hisobotlarining ishonchliligi to‘g‘risidagi xulosasi tasdiqlansin.

6.1. "ANOR BANK" AJning 2025-yil yakunlari bo‘yicha yillik hisoboti, buxgalteriya balansi hamda foyda va zararlar to‘g‘risidagi hisoboti ilovaga muvofiq tasdiqlansin.

7.1. 2025-yil yakunlari bo‘yicha sof foydani taqsimlashning quyidagi tartibi tasdiqlansin: - 15 142 083 736,77 so‘m miqdoridagi mablag‘ni bankning umumiy maqsadli zaxira fondini shakllantirishga yo‘naltirsin; - qolgan summani taqsimlanmagan foyda hisobvaraqlarida qoldirish. 7.2. Kapitalning yetarli darajasini saqlab turish, investitsiya loyihalarini moliyalashtirish va bankning barqaror faoliyatini ta’minlash bilan bog‘liq boshqa maqsadlar uchun 2025-yil, 2026-yil va 2027-yil yakunlari bo‘yicha bank aksiyalari bo‘yicha dividendlar ko‘rinishidagi daromad to‘lanmasin.

8.1. "ANOR BANK" AJning 2025-yil yakunlari bo‘yicha jismoniy va yuridik shaxslarning murojaatlari bilan ishlash bo‘yicha hisoboti ma’lumot uchun qabul qilinsin. 8.2. Bank Boshqaruviga jismoniy va yuridik shaxslarning murojaatlarini ko‘rib chiqish tizimini takomillashtirish, kelib tushayotgan murojaatlarning o‘z vaqtida va sifatli ko‘rib chiqilishini ta’minlash, shuningdek, bank xizmati ko‘rsatish sifatini va mijozlarning qoniqish darajasini oshirishga qaratilgan chora-tadbirlarni amalga oshirish ishlarini davom ettirish topshirilsin. 8.3. Bank Boshqaruvi murojaatlar kelib tushishining sabablarini muntazam ravishda tahlil qilishni va Bank faoliyatida aniqlangan kamchiliklarni bartaraf etish bo‘yicha zarur choralar ko‘rilishini ta’minlasin, shuningdek, amalga oshirilgan ishlar natijalari to‘g‘risida Kuzatuv kengashini belgilangan tartibda xabardor qilsin.

9.1. 2025-yil yakunlari bo‘yicha balansdan tashqari hisobvaraqlarga o‘tkazilgan aktivlar to‘g‘risidagi ma’lumot ilovaga muvofiq ma’lumot uchun qabul qilinsin; 9.2. Bank Boshqaruvi balansdan tashqari hisobvaraqlarga o‘tkazilgan aktivlarning holati, hisobi va kuzatib borilishi ustidan doimiy nazoratni ta’minlasin, shuningdek, qarzlarni undirish, mol-mulkni sotish va balansdan tashqari aktivlar hajmini qisqartirish choralarini ko‘rsin. 9.3. Bank Boshqaruvi Kuzatuv kengashi va Aksiyadorlar umumiy yig‘ilishiga belgilangan tartibda balansdan tashqari aktivlar bo‘yicha amalga oshirilayotgan ishlar natijalari to‘g‘risida ishonchli ma’lumotlar o‘z vaqtida taqdim etilishini ta’minlasin.

10.1. "ANOR BANK" AJning 2025-yilda affillangan shaxslar bilan tuzilgan bitimlari ilovaga muvofiq tasdiqlansin.

11.1. Bank tomonidan ko‘rsatilgan xayriya, beg‘araz va homiylik yordamini tasdiqlash. 11.2. Aksiyadorlarning mazkur Umumiy yillik yig‘ilishi o‘tkaziladigan sanadan boshlab keyingi Umumiy yillik yig‘ilishi o‘tkaziladigan sanagacha bo‘lgan davrda xayriya, homiylik va beg‘araz yordamning cheklangan miqdori 3 000 000 000 (uch milliard) so‘m miqdorida belgilansin. 11.3. Bank Kuzatuv kengashiga xayriya, homiylik va beg‘araz yordam ko‘rsatish to‘g‘risida qaror qabul qilish vakolatini berish.

12.1. "ANOR BANK" AJning affillangan shaxslari bilan bank tomonidan joriy xo‘jalik faoliyatini amalga oshirish jarayonida aksiyadorlarning navbatdagi yillik umumiy yig‘ilishiga qadar amalga oshirilishi mumkin bo‘lgan bitimlar ilovaga muvofiq ma’qullansin. 12.2. Bank Kuzatuv kengashiga kelgusida joriy xo‘jalik faoliyatini amalga oshirish jarayonida aksiyadorlarning navbatdagi yillik umumiy yig‘ilishigacha bo‘lgan davrda, shuningdek, agar kuzatuv kengashining ikki va undan ortiq a’zosi affillangan shaxslar bo‘lsa, affillangan shaxslar bilan bitim (bitimlar) tuzish to‘g‘risida qaror qabul qilish huquqini berish.

13.1. Sherzod Salimovich Akramov uch yil muddatga "ANOR BANK" AJ Boshqaruvi raisi etib saylansin va har yili mehnat shartnomasini uzaytirish yoki bekor qilish imkoniyati to‘g‘risida qaror qabul qilinsin.

14.1. "ANOR BANK" AJ Kuzatuv kengashi a’zolari uch yil muddatga quyidagi tarkibda saylansin: Nosirov Shoodil Nosirovich, Alimov Ikrom Ismaidljanovich - mustaqil a’zo, Maksimilian Edvard Johnson (Maximilian Edward Johnson) - mustaqil a’zo, Stefaniya Rivoal (Stephanie Rivoal) – mustaqil a’zo, Yuldashev Baxadir Tashpulatovich, Safarov Muzaffar Abdinazarovich, Shamansurova Barno Muzaffarovna, Jumaniyozova Anadjan Kudratovna.

15.1. "ANOR BANK" AJning tashkiliy tuzilmasi ilovaga muvofiq tasdiqlansin. 15.2. Belgilansinki, tasdiqlangan Tashkiliy tuzilma 2026-yil 20-iyuldan boshlab kuchga kiradi. 15.3. Bank Boshqaruviga tasdiqlangan tashkiliy tuzilmaning belgilangan tartibda amalga oshirilishini, shu jumladan ichki hujjatlarning qonun hujjatlariga muvofiqlashtirilishini ta’minlash topshirilsin.