6. Решения, принятые высшим органом управления эмитента, в том числе решения наблюдательного совета хозяйственных обществ о выпуске акций, корпоративных облигаций и иных ценных бумаг

Jamg‘armaning ustav kapitalini qo‘shimcha aksiyalarni joylashtirish yo‘li bilan oshirish: • Aksiyalar turi: oddiy, egasining nomi yozilgan, hujjatsiz shakldagi aksiyalar; • Aksiyalar soni: 6 527 769 640 691 (olti trillion besh yuz yigirma yetti milliard yetti yuz oltmish to‘qqiz million olti yuz qirq ming olti yuz to‘qson bir) dona; • Har bir aksiya nominal qiymati: 1 (bir) so‘m; • Joylashtirish hajmi: e’lon qilingan aksiyalar miqdori doirasida. Aksiyalarni joylashtirish muddati: Istiqbolli loyihalar milliy agentligi (ILMA) tomonidan emissiya davlat ro‘yxatidan o‘tkazilgan kundan boshlab 30 (o‘ttiz) kalendar kuni. Joylashtirish usuli: yopiq obuna shaklida, yagona aksiyador – O‘zbekiston Respublikasi Iqtisodiyot va moliya vazirligi foydasiga. Joylashtirish narxi: nominal qiymat bo‘yicha. To‘lov shakli: • pul shaklida, shu jumladan o‘zaro pul talablarini qarz hisobidan hisobga olish o‘tkazish yo‘li bilan; • naqd bo‘lmagan (mol-mulk shaklida) to‘lov, qo‘shimcha aksiyalar chiqarilishi to‘g‘risidagi qarorda belgilangan tartibda. O‘zaro talablarni hisobga o‘tkazish natijalari ikki tomonlama o‘zaro bir turdagi pul talablarini hisobga olish dalolatnomasi bilan rasmiylashtiriladi hamda u tomonlar tomonidan imzolanadi.

Jamg‘armaning qo‘shimcha aksiyalarini chiqarish to‘g‘risidagi qaror ilovaga muvofiq tasdiqlansin

Jamg‘arma nomidan quyidagi harakatlarni amalga oshirish uchun Ishonchli boshqaruvchiga vakolat berilsin: • ilovada keltirilgan shaklda Jamg‘armaning qo‘shimcha aksiyalar emissiyasi to‘g‘risidagi qarorni imzolash hamda mustaqil baholovchilarning zarur imzolarini olish; • ILMAga aksiyalar emissiyasini davlat ro‘yxatidan o‘tkazish uchun ILMA Qoidalarida belgilangan tartib va muddatlarda barcha zarur hujjatlarning to‘liq to‘plamini tayyorlab taqdim etish; • yangi aksiyalar emissiyasini Markaziy depozitariyda ro‘yxatdan o‘tkazish; • emissiya davlat ro‘yxatidan o‘tkazilgandan so‘ng, Jamg‘armaning qo‘shimcha aksiyalarini joylashtirishni ta’minlash hamda barcha zarur depozitariy operatsiyalarini amalga oshirish; • o‘zaro talablarni hisobga o‘tkazish holatlarida, bu jarayonni tasdiqlovchi barcha zarur hujjatlarni tayyorlab imzolash; • so‘nggi aksiya joylashtirilgan kundan yoki joylashtirish muddati tugaganidan keyin 30 (o‘ttiz) kalendar kuni ichida, ILMA Qoidalarida belgilangan shaklda aksiyalar emissiyasi natijalari to‘g‘risida ILMAga xabarnoma taqdim etish; • joylashtirilgan aksiyalar umumiy nominal qiymatiga teng oshirilgan ustav kapitali miqdorini hamda ushbu emissiya doirasida joylashtirilgan aksiyalar soniga mutanosib ravishda e’lon qilingan aksiyalar sonining kamaytirilishini aks ettiruvchi Ustavning yangi tahririni (yoki unga o‘zgartishlarni) tayyorlab, Yagona aksiyador tomonidan tasdiqlanishi uchun taqdim etish; • O‘zbekiston Respublikasining amaldagi qonunchiligiga muvofiq zarur axborotni oshkor etish choralarini ko‘rish; • ushbu Qarorni amalga oshirish bilan bog‘liq barcha boshqa zarur harakatlarni bajarish.